NAGA CITY- Pigkundusir kan nakalihis na Disyembre 4 hasta kan Sabado petsa 7 an Livelihood Skills Training on Fabrication of Vendo Cart to Indigent Ambulant Vendors sa banwaan kan Pili, Camarines Sur.
Sa nagin entrevista kan Bombo Radyo Naga ki Mayor Tom Bongalonta, alkalde kan nasambitan ng banwaan, pigsaysay kaini na nagin marhay an resulta kan nasambitan ng aktibdad, kun saen sa welding training igwa nin doseng partisipantes na nagsagibo nin rolling cart, asin an mga nahaman kaini itatao na sainda kun kaya man dakulang katabang ini para sa saindang hanap buhay orog na ta nakanuod pa an mga ini.
Magin man an mga ginamit na welding machine pigkaloob sa mga nag-partisipar sa training.
Apwera pa digde, nagkaigwa man nin 50 benipisyaryo kan distribution kan poultry products.
Mientrastanto mapadagos an nasambitan ng livelihood training sa saaga, aldaw nin Lunes petsa 9 kan Disymebre.
