Paramientras na ipinagpauktaba kan White House an liwat na paghilingan ninda US President Donald Trump asin Russian President Vladimir Putin.
Ipigtalaan kudta na ngunyan na semana an meeting kan duwang Budapest, Hungary tanganing pag-ulayan an giyera sa Ukraine.
Komo pagpepreparar, enot na mahilingan sinda US Secretary of State Marco Rubio asin Russian Foreign Minister Sergei Lavrov alagad nagkaulay na sinda sa telepono.
Nagin mabunga an pag-uulay ninda Rubio asin Lavrov kun saen sinaysay kan White House na dae na importante na mahilingan pa sinda ni Trump asin Putin nin personal.
Dae na idinetalye pa kan White House an rason kan nasambitan ng pagpapauktaba kan meeting kan duwang lider.
Marurumduman na kan nakalihis na semana, sinaysay ni Trump na liwat mahilingan sinda Putin sarong aldaw antes an pagbisita sa White House ni Ukrainian President Volodymyr Zelensky.
