Naga City – Ma-implementar nin amnestiya o kan Section 30 kan Republic Act no. 12001 an lokal na gobierno kan ciudad nin Naga.
Sa nagin paghampang sa mga kagawad kan media ni Allen Reondanga, Head kan CEPPIO-Naga , pigsaysay kaini na an nasambitan ng amnestiya an paghali sa natipon na multa, interest, dugang na mga bayad o surcharges.
An sakop kaini iyo an mga dae nakabayad kan mga real property taxes espesyalmente sa educational funds, Idie land tax asin iba pang mga special levy taxes antes mag-abot an July 6, 2024.
Sigun pa ki Reondanga, tangani man na maka-avail kan nasambitan ng amnestiya, kaipuhan na bayadan an principal amount kan RPT, SEF, Idie land tax asin iba pang special levy taxes sa laog nin duwang taon, boot sabihon na puon July 6, 2024 hasta July 2026.
Ini an pwedeng bayadan nin sararoan asin pwede man nin installment.
Pigtawan-duon pa man kan opisyal na enkaso nabayadan an mga nasambitan na mga buwis, an mga natipon na mga surcharges hahalion na soboot kan lokal na gobierno kan Naga.
Mientrastanto, pigsasay man kan opisyal an mga dae soboot kabali sa amnestiya, iyo man an mga multa, interes o surcharges makalihis an July 6, 2024 asin an mga properties na nagkasurubasta na sa public auction.
Pangapudan pa man ni Reondanga sa mga mawot maghapot manungod sa nasambitan ng amnestiya pwede soboot na magbisita sa saindang opisina, o mag bisita man sa facebook page kan Naga City Treasurers Office
