Lola irido makalihis mabanggaan kan motorsiklo sa Camarines Sur

NAGA CITY– Irido an sarong lola makalihis mabudalan nin motorsiklo sa kalabaan kan tinampo sa Brgy Busak, Libmanan, Camarines Sur.

Binisto an persona na si Dolores Canillo, 84 anyos.

Sa nagunong impormasyon kan Bombo Radyo Naga napag araman na binabagtas kan motorsiklong minamaneho ni Edwin Adan an kalabaan kan nasambitan ng tinampo kan biglang mabudalan si Canillo na papabalyo kuta na sa tinampo.

Huli digdi, nagsapo nin lugad sa manlaenlaeng parte kan saiyang lawas an biktima asin tulos idinalagan sa ospital.

Sa ngunian, nagtitinir na sa kustudiya kan mga otorida an driver kan motorsiklo para sa maninigong disposisyon mantang nagpapadagos pa an imbestigasyon kan mga otoridad manungod sa nasambitan ng insidente.