NAGA CITY– Dead on arrival an saroing lolo makalihis pagsasasakon kan suspek sa Purok Torres Poblacion Bantilan Infanta Quezon.
Binisto an biktima na si Crispin Ladao, 76 anyos.
Sa nagunong impormasyon kan Bombo Radyo Naga napag araman na naglalakaw sana pasiring sa saiyang omahan si Ladao kan bigla ining pagsasaksakon kan suspek na si Thomas Moran, 59 anyos sa dai pa maaramang rason.
Nagsapo nin lugad sa saiyang tulak an biktima na tulos idinalagan sa ospital tanganing ipabulong alagad ideneklarar ining dead on arrival kan mga doktor.
Makalihis an insidente tulos man nagdulag an nasambitan ng suspetsado.
Sa ngunian, nagpapadagos pa man an imbestigasyon kan mga otoridad sa nasambitan ng pangyayari para sa posibleng pagkakadakop kan nagdulad na suspek.
