Nagpatanid an Philippine National Police (PNP) sa publiko sa mga “love scams” ngunyan na maabot na Aldaw nin mga Puso.
Sigun ki PNP Chief Gen. Jose Melencio Nartatez Jr., piggamit kan mga scammer an kamunduan, tiwala, asin paglaom kan mga tawo, orog na sa online platforms, tanganing lokohon an biktima.
Puon Enero 1, hasta Pebrero 5, naikurit an anom na kaso kan love scams, kumparar sa 54 kan nakalihis na 2025 asin 75 kan 2024.
Karaniwang nagpupuon an scam sa online contact, kun saen nagpapanggap an mga scammer komo dayuhan o overseas Filipino workers.
Marekas sindang nagpapahayag kan pagkamoot, piglilikayan an video calls, asin kalaunan naghahagad nin kwarta, pondo para sa pagbisita, o sensitibong impormasyon siring kan bank details o ID.
Kadalasang target an mga gurang, mga single, biyudo, o emosyonal na bulnerable.
Ipinagiromdom ni Nartatez na dae magpadara nin kwarta, pribadong ladawan o video, personal na impormasyon sa mga tawong dae pa personal na nabibistado o na-verify.
