Nangapudan si Department of Energy (DOE) Secretary Sharon Garin sa publiko na bantayan an presyo kan liquefied petroleum gas (LPG) asin ireport sa mga awtoridad an mga tindahan na naggigibo nin aroaldaw na pagbabago sa presyo.
Sinabi ni Garin na kan magkaproblema an mga lokal na supplier huli sa iriwal sa Middle East, tulos na naghanap nin alternatibong sources an mga kumpanya arog kan China asin Hong Kong. Alagad makalihis an pakikipag-olay sa gobyerno, sabi pa, nagkaoroyon an Philippine National Oil Company (PNOC) asin mga pribadong kumpanya na magsararo sa pagbakal nin barko na kargado nin LPG tangarig na mapakusog an lokal na supply.
Pigpipinal na suboot kan gobyerno asin kan pribadong sektor an kontrata sa bagong supplier.
Huli kaini, pigsierto ni Garin na supisyente an supply kan LPG asin nagtatarabangan an gobyerno asin pribadong sektor ngani na mas mapakusog pa an imbentaryo kan LPG.
Alagad, naglangkaw na suboot an presyo kaini poon sa P1,100 sagkod sa P1,500 asin masyado ining dakula, dawa ngani matinir ini sa laog nin sarong bulan huli ta nagbabago sana an presyo kaini kada bulan.
