Pigsugo kan Land Transportation Franchising and Regulatory Board (LTFRB) an temporary reduction sa surge pricing para sa transport network vehicle services (TNVS) o mga lunadan na na-book sa paagi kan ride-hailing apps.
Basado sa Memorandum Circular No. 56 na pigpirmahan ni LTFRB Chair Vigor Mendoza kan Biyernes, Disyembre 12, an surge pricing para sa TNVS vehicles dapat na dae malampas sa kabilugan kan per-kilometer rate asin per-minute travel time.
An direktiba epektibo puon Disyembre 17, 2025 hasta Enero 4, 2026.
Sakop kan TNVS an mga hatchbacks/subcompact units, car sedans, asin AUVs/SUVs.
Pigsaysay man sa memo na gabos kan akreditadong TNC dapat na magpasa sa LTFRB nin compliance report sa Disyembre 17.
An memorandum komo kasimbagan sa reklamo kan mga commuter sa halangkaw na pamasahe sa mga TNVS orog na tuyong peak hours asin may raot nin panahon.
