Pinahimutikan ni dating Iloilo City Mayor Jed Patrick Mabilog an nagkukuriyat online na fake statement kan saiyang pagpabor soboot sa impeachment ni Vice President Sara Duterte.
Sigun ki Mabilog, bako kaining account an ginamit sa pagpost kan nasambitan ng statement asin ini fake account.
Bako soboot ini an nagtao kan anuman na komento katakod kan nasambitan ng ulayan.
Sa nasambitan ng statement kaya mahihiling an pangaran asin ladawan ni Mabilog na igwang nakabugtak na statement kun saen nakasaysay na welcome soboot para sa saiya an impeachment ni VP Saea asin napapanahon na soboot na makulong an mga Duterte.
Ini man soboot an saindang balos asin hustisya para sa saindang kababayang Ilonggo. Nakaysaysay man na sisiertuhon kainin mayo na nin war on drugs pa sa Iloilo.
Sa huri, ipinagpasa-Diyos na sana kaini an responsable sa naggibo asin naggamit kan nasambitan ng pekeng account asin pig-enkaminar an publiko na ireport an nasambitan ng account komo fraudulent.
Kun marurumduman, pig-akusaran kan nakalihis ni dating Presidente Rodrigo Duterte si Mabilog kan alkalde pa ini na sarong bigatin na protektor kan iligal na droga.
Kawsa kan mga hayagang pagbabanta kan dating Presidente ki Mabilog, naghali ini nin Pilipinas kan nakalihis na taong-2017 asin naghagad nin asylum sa US asin kan nakalihis na Setyembre 2024 sana nagbweltada sa nasyon tanganing linigon kan saindang pangaran.
