NAGA CITY – Arestado an mag-agom sa ikinasang search warrant kan mga otoridad sa banwaan nin Magarao, Camarines Sur.
Binisto an mga suspek na sinda alyas Christopher, 49-anyos asin alyas Hilda, 48-anyos parehong residente kan Zone 5 Brgy. San Pantaleon sa nasambitan ng banwaan.
Sigun ki PCPT. Beverly Calajate, Chief of Police, kan Magarao Municipal Police Station, na sa bisa kan warrant, pighaloghog an harong kan mga suspek kun saen, narekober digdi an 43 pidaso kan small heat sealed plastic sachet kan pinagtutubodan shabu, 1 pidaso kan calibre .38 asin iba pang drug paraphernalia.
Sa kabilogan, pigkakarkulong nasa poco mas o menus P34,000 na kantidad an mga nakumpiskar na items asin igwa nin gabat na 5 grms. Sa ngayon, nasa kustodiya na kan mga otoridad an mga suspek para sa magkakanigong disposisyon.
Mientrastanto, an nasambitan ng matrayumpong opersyon an huli soboot sa pagtatarabang kan kapulisan, simabahan asin namamanwaan tanganing mapuho an ilegal na aktibidad sa nasambitan ng banwaan.
Pig-enkaminar man kan opisyal an publiko na tulos magsumbong sa saindang himpilan an mga kahinahinalang mga aktibidad para sa katuninong sa naumbitan ng banwaan.
