Aram baya nindo mga ka-Bombo na opisyal ng binisto kan Guinness World Records an trayumpo kan mag-amigong sinda Sujoy Kumar Mitra asin Prateek Choraria makalihis nindang bisitahon an 42 na libraries sa bilog na Delhi sa laog sana kan sarong aldaw.
Naganap an record-breaking feat kan nakalihis na December 10, 2025. Sigun sa report, nagin madali an nasambitan ng huma.
Kinaipuhan kan duwa na maggugol nin 60 days para sana sa pagpaplano asin pagkua nin permits.
Iba soboot sa ibang records kun saen pwedeng magbakal sana nin ticket; sa mga library kinaipuhan nindang makipag-koordinar sa mga librarians, magsumiter nin request letters, asin magkua nin security clearance antes tugotang asin maikurit an saindang pagbisita. Ini an ikaduwang record attempt ninda Mitra asin Chora-ria.
Kan nakalihis na Abril 2025, pinorbaran nindang bisitahon an 61 libraries alagad nabigo ining ma-verfiy huli sa dae pagsunod sa mahigot na official guidelines.
Si Mitra, bako na man bago sa ladangan kan world records; ini an sarong avid traveler na nakapasiring na sa gabos kan nasyon kan United Nations asin presenteng igwang kapot kan 14 Guinness titles, kaibahan an marekas na pagbisita sa Seven Wonders of the World sa laog sana kan limang aldaw.
Sa ibong kan sakit sa pagdalagan asin paglunad sa pampublikong transportasyon sa bilog na maghapon, desidido an duwa na tapuson an huma.
An obheto ninda an bako sana para sa titulo, kundi tanganing imuklat an publiko sa yaman kan kaaraman o “knowledge bank” kan saindang siyudad.
Mawot man ni Mitra na magsirbing ehemplo ini sa saiyang 8-years-old na aki na si Rahyl asin iba pang kajovenan, na tangkilikon an pagbabasa kan pisikal na libro sa mga local libraries kaysa mag-asa na sana sa impormasyon gikan sa internet.
