Pigreport kan Philippine Institute of Volcanology and Seismology (Phivolcs) an dagusang pag-angat kan magma gikan sa irarom kan bulkan asin paparani sa bunganga kaini.
Sigun ki Phivolcs director Teresito Bacolcol, an magma an napag-araman na kulang-kulang limang kilometro gikan sa bunganga kan bulkan.
Huli digdi, dakulang parte kan bulkan soboot an presenteng namamaga, pangenot na an eastern side kaini, na saro sa mga palatandaang nagsasakat an magma gikan sa irarom kan bulkan.
Liwat man nairehistro an pagbaba kan pigbubugang asupre kan bulkan gikan sa dating 4,000 tonelada kan nagputok ini kan Hunyo 2024 pasiring 2,183 tonelada. Saro soboot ini sa mga palatandaan na may nakabara sa bulkan, igwa nin halangkaw na pressure, asin posibleng magresulta sa panibagong pagsabog anuman na oras.
Tolong posibilidad man an pwedeng mangyari kasunod kaini. Kinababalihan ini kan luway-luway na paglangkaw kan magma asin dagusang pag-agos kan lava sa gikan sa bunganga kan bulkan. Posible man na orog pang malangkaw an pressure sa bulkan huli sa nakabarang magma, na posibleng magresulta sa makusog na pagsabog. Pantolo an pyroclastic density currents na pigbibilog kan delikado na abo, asupre, asin maiinit na volcanic particles.
Kun mangyari ini, sigun ki Bacolcol, posibleng pahewason pa an danger zone sa 10 kilometers.
