Pigbubusol ni Parañaque 2nd District Representative Brian Yamsuan an House Bill 5239 o Magna Carta para sa Republic Disaster Risk Reduction and Management (DRRM) Workers tanganing mapamarhay an kamugtakan asin kapakanan kan mga frontliners sa panahon kan kalamidad.
Sigun ki Yamsuan, an prosopwesto an nagtatao nin karamparang benipisyo siring kan hazard pay, libreng bakuna asin bulong, insurance, medical asin psychosocial support, pati na man nin retirement benefits.
Igwa man ining education assistance para sa mga akinkan DRRM workers na binawian nin buhay mantang piggigibo an tungkulin.
Pigtalaan man sa prosopwesto an mga dugang na benepisyo siring kan overtime pay, housing allowance, training asin proteksiyo kontra sa diskriminasyon asin bakong makatarungang pagbalyo nin trabaho.
An mga mabalgar sa ley an pwedeng pagmultahom nin hasta P10,000, makulong nin hasta sarong taon, asin madidiskwalipika sa pampublikong serbisyo kun opisyal kan gobyerno.
