Nagluwas nin tsunami warning an Indonesia’s Meteorology, Climatology and Geophysics Agency (BMKG) makalihis an sarong makusog na linog na igwang kusog na Magnitude 7.6 na nagyugo-yugo harani sa baybayon kan Melonguane, North Sulawesi pasado alas-8:43 ng umaga (Jakarta time) kan Biyernes, Oktubre 10, 2025.
Sigun sa BMKG, an epicenter kan linog igwang rarom na 56 kilometro, asin tolos sindang nagluwas kan enot na abiso sa tsunami para sa North Sulawesi asin mga hararani na parte kan Papua.
Pigbanggit kan ahensya na an enot na impormasyon base sa madaliang datos asin pupwede pang magbago mantang pigsagibo an mas hararom na pagsusuri.
Pigpatanidan kan gobierno an mga residente sa mga baybayong lugar na magin alerto asin sunudon an mga opisyal na abiso gikan sa mga otoridad mantang padagos an monitoring sa posibleng pagbabago kan taas nin lebel kan tubig-dagat asin aftershocks.
Siring sa Pilipinas mahihiling man an Indonesia sa Pacific Ring of Fire, kun saen perming nangyayari an mga linog asin pagputok kan bulkan huli sa banggaan kan mga tectonic plates.
