Masagibo nin mahewasang prayer rally para sa pag-arestar ki dating Presidente Rodrigo Duterte saaaga na Sabado, Marso 15 nin pagkahapon.
An ikakasang rally para sa pagkasararo an isasagibo kan mga nakikisampatiya asin man mga tagasuporta kan dating Presidente gikan sa manlaen-laeng panig sa nasyon.
An mga kairiba an magtiripon-tipon antes na magpasiring sa Liwasang Bonifacio sa Maynila.
Magkakaigwa man nin motorcade pasiring sa nasambitan ng venue alagad an mga dae man makakaiba sa motorcade ay pig abisuhan na dumiretso na sana sa Liwasan bandang alas 3 nin hapon. Pigpagirumdoman an mga makikisunaro sa solidarity/prayer rally na magsulot nin green o black shirts.
Magdara man soboot nin mga watawat o flaglets asin magdara nin kulay green na ribbon tangani magpahuling nin suporta. Pig abisuhan man an mga supporters na magdara nin anuman na panangga huli ta lalaoman na an mainit asin mauran na kamugtakan kan panahon. Dae na man soboot madara pa nin backpacks asin darakulang bags para sa pangseguridad.
Apelar kan mga organziners kan aktibidad na imantinir an katrangkiluhan asin matuninong an solidarity/prayer rally komo suporta sa disiplina asin magalang na pag-uugali.
