Tinawan-duon kan tagapagtaram kan CSPPO an mandatory drug testing bilang parte kan integridad kan kan PNP
Sa intrevista kan Bombo Radyo Naga ki Pmaj. Monica San Juan – Spokesperson, Camarines Sur Police Provincial Office, sinaysay kaini na nationwide an pagpakundisir kan mandatory Drug testing asin obligasyon ini kan mga sakop kan kapulisan na magpa-drug test. Pigpuonan naman ini sa probinsiya kan Camarines Sur, sa Provincial Headquarters kan Agosto 31.
Segun ki San Juan by eschedule man an pagpatuman kan mandatory drug testing sa mga kapulisan, kun sain igwa nin partikular na oras asin petsa para sa pagpa-drug test.
Tinawan-duon kaini na sakop kan Drug testing an gabos na personnel kan Philippine National Police (PNP).
Dae pa man nagpaluwas nin resulta kan isinagibong drug testing, huli segun ki San Juan, inaasahan na sabay-sabay ini na i-release. An resulta kan drug testing iyo an opisyal na pagbabasehan sa pagdeterminar kan status kan kada personnel na nagsairarom sa nasabing pagsusuri.
Maagi an resulta sa kaukulang proseso, arog kan confirmatory examination na magpositibo sa confirmatory test, saka ini isasairarom sa kaukulang imbestigasyon asin iba pang proseso segun sa itinakdang patakaran.
Mientrastanto, importante ini para sa mga kapulisan bilang parte kan pagmamantinir kan integridad, disiplina asin kredibilidad kan organisasyon
