Nagsunad si House Majority Leader Ferdinand Alexander Marcos nin prosopwestong ley na matao nin libreng kuryente sa mga pamilyang hababa an konsumo kan kuryente.
Sa irarom kan House Bill No. 2700 o “Free Electricity for Low-Consumption Households Act,” sisimbagon kan gobyerno an bilog na bayadan sa kuryente kan mga kwalipikadong sambahayan.
Dae man papatawan nin 12% VAT an subsidiyang itatao. Sakop kan prosopwesto an mga kaharongang naggagamit nin dae malangkaw sa 135 kilowatt-hours (kWh) kada bulan o igwang bayadan na dae malampas sa P2,000, arin man an mas hababa.
Kaipuhan ining mapatotoohan kan Energy Regulatory Commission asin Department of Energy.
Obheto kan prosopwestong ribayan an presenteng sistema kan lifeline rate kun saen ibang konsyumer an nagsisimbag sa subsidiya kan mga nagtitios.
Sa bagong sistema, direkta nang mahali sa gobyerno an pondo tanganing magin mas patas asin malinaw an pagtatao nin tabang.
Ma-isyu nin zero-charge bill an mga distribution utility sa mga kwalipikadong benepisyaryo asin mapasumiyer nin reimbursement sa DOE, na nagsasairarom sa audit kan Commission on Audit.
Mientrastanto, sigun ki Majority leader Sandro Marcos na pinasimple na man an aplikasyon sa Lifeline Rate Subsidy Program tanganing mas kadakol na mga nagtitios na pamilya an makinabang.
