NAGA CITY-Tinawang doon kan Makabayan Bloc na dapat makaiba sinda sa magiging minorya sa Kamara.
Ini an sinaysay ni ACT-Teachers Rep. Antonio Tinio katakod kan padagos na balasahan sa nagkaperang mga posisyon sa House of Representatives makaihis na maelihir komo bagong House Speaker na si dating presidente asin Pampanga Rep. Gloria Macapagal-Arroyo.
Sa entrevista kan Bombo Radyo Naga ki Tinio, sinaysay kaini na kun House Rules an pababasehan, dapat na mapabale suboot an Makabayan bloc sa bibilogon na minorya.
Katakod kaini, nilalaoman na ninda an pag-orolay dapit sa bibilogon na Minority bloc kan Kamara orog na mawot kan 12 Liberal Party Congressmen asin kan mga kasorog ni ousted House Speaker Pantaleon Alvarez na sinda madeklara komo minorya.
