Pigtawan-duon kan Makabayan Bloc na nagluluwas ngunyan na si Presidente Ferdinand Bongbong Marcos Jr. mismo an chief architect kan korapsyon sa gobierno.
Sinaysay ini ninda Representatives Antonio Tinio kan ACT Teachers Party-list, Renee Louise Co kan Kabataan Party-list, asin Sarah Jane Elago kan Gabriela Women’s Party, makalihis ibuyagyag ni dating Congressman Elizaldy Co na pigsugo ni PBBM na maglaog ini nin P100 bilyong kantedad kan proyekto sa 2025 budget kan Department of Public Works and Highways (DPWH).
Huli kaini, pighahagad kan Makabayan Bloc na tolos isairarom sa sarong independent investigation an papel ni Presidente Marcos sa P100 bilyong budget insertions asin an pag-apruba kaini sa unprogrammed fund releases.
Kaibahn man soboot sa dapat imbestigaran sinda dating Speaker Ferdinand Martin Romualdez, Department of Budget and Management (DBM) Secretary Amenah Pangandaman, asin Undersecretary Adrian Bersamin.
Mawot man kan Makabayan Bloc na isapubliko an gabos kan budget insertions asin unprogrammed appropriations sa taunang budget sa irarom kan presenteng administrasyon.
Pigtawan-duon kaj Makabayan Bloc, dapat siyasaton kun gurano an kickback asin mga komisyon na napaduman ki Marcos asin sa iba pang mga opisyal puon sa mga proyektong pang-imprastruktura.
