Nagsunad kan nakalihis na aldaw an Makabayan bloc nim ‘Motion for Reconsideration’ sa Korte Suprema dapit sa nagin desisyon kaini patungkol sa Impeachment.
Kun saen, nag abot mismo an mga kinatawan kan Makabayan party-list kaiba an nagkapirang lider kan mga progresibong grupo sa pagsusumiter nin mosyon.
Saindang pigsunad an consolidated motion for reconsideration and intervention tangani umapelar sa Korte Suprema.
Obheto sa pigsunad na mosyon na baguhon o baliktadon kan Kataastaasang Hukuman an ginibo kaining deklarasyon sa ‘articles of impeachment’ na ipinasa kan Kamara sa Senado.
Hagad man sa mosyon na pagtibayon o paburan kan Korte Suprema na ‘valid’ an nagin.‘transmittal’ kan Articles of Impeachment pasiring sa Senado tangani mapuonan nin tulos an paglilitis.
Nagtutubod an grupo na mayong ginibong ‘grave abuse of discretion’ an House of Representatives sa pagpapapuon kan impeachment complaint.
Hurot ninda mayong nagin pagbalgar sa ‘1 year ban rule’ na iyong saro sa mga nagin basehan tangani mapawarang bisa kan Korte Suprema an Articles of Impeachment.
Kabali sa mga intervenors sa pigsunad na mosyon an sinda former ACT Teachers party-list Rep. France Castro, Gabriela Women’s Party Rep. Arlene Brosas asin Kabataan party-list Rep. Raoul Manuel na iyong nag-endorso sa ikaduwang impeachment complaint.
