Nagdistansiya an Malacañang sa reklamo kan Office of the Ombudsman na nadidipisilan ining magkua nin kopya kan Statement of Assets, Liabilities and Net Worth o SALN kan mga congressional contractors na imbwelto sa mga anomalya flood control projects.
Sigun sa Palace Press Officer asin PCO Undersecretary Atty. Claire Castro, an lambang sanga asin ahensya kan gobyerno igwa nin sadiring polisiya.
Sinaysay man kaini na igwa nin separation of powers sa pag-ultanan kan ehekutibo, lehislatura, asin hudikatura, kaya iginagalang kan presidente an reglamento kan Kongreso pag-abot sa SALN.
Dugang pa ni Castro na iniiwasan kan Presidente an inaapod na executive overreach o an pagbalgar kan executive power sa ibang sanga kan gobyerno na kontra sa Konstitusyon.
Alagad, piglinaw kan Malacañang na malinaw an paninindugan ni Presidente Marcos na dapat panimbagon an mga nasa likod kan korapsyon sa mga proyekto kan gobyerno.
Enot kaini, nagreklamo si Ombudsman Jesus Crispin Remulla na nagsasayuma soboot an House Secretary General na magtao nin kopya kan SALNs kan mga congressional contractors huli ta kaipuhan pa ining aprubaran kan House plenary.
