Dae mahadlang an administrasyon ni Marcos enkaso magdesisyon si dating Presidente Rodrigo Duterte na magsuko sa International Criminal Court (ICC).
Ini an reaksyon sa Malacañang makalihis enkaminaron ni dating Presidente Duterte sa Quad Committee hearing an ICC na magpasiring sa Pinas para sa saindang imbestigasyon kan war on drugs.
Segun ki Executive Secretary Lucas Bersamin, dae magibohon nin ano man na lakdang an gobyerno tangani pugolan an pagsasakatupadan kan kamawotan ni Duterte. Alagad kun an kaso kan dating presidente irefer kan ICC sa International Police o sa Interpol, pwede ining magpadara nin red notice sa mga awtoridad sa Pilipinas.
Kun mangyari ini, masunod suboot asin makikipagtabangan an administrasyon ni Marcos sa Interpol susog sa eksistidong polisiya.
An red notice an ipinapaluwas kan Interpol sa sarong member state na tugisin asin temporaryong arestaron an sarong indibidwal na hinahanap huli sa sarong dakulang krimen.
