Kumpiyansa an Malacañang na matinir na tapat sa Konstitusyon an Armed Forces of the Philippines (AFP) asin an Philippines National Police (PNP) sa ibong kan mga huma kan nagkapirang grupo na enkaminaron an mga uniformed personnel na bawion an suporta sa lehitimong gobyerno.
Sigun ki Presidential Communications Office Undersecretary asin Palace Press Officer Claire Castro, haloy nang aram ni Presidente Ferdinand Marcos Jr an mga siring na lakdang gikan sa saradit na grupo.
Inihayag ni Usec. Castro na haloy ng aram kan Presidente an soboot coup plot.Sinabi man ni Castro na parehong nagpahayag nin katapatan sa Konstitusyon asin sa Chain of Command sinda AFP Chief of Staff Gen. Romeo Brawner Jr. asin PNP Chief Lt. Gen. Jose Melencio Nartatez Jr.
Pigtawan-duon man ni Castro na pigbibisto ni Presidente Marcos an tibay asin propesyonalismo kan AFP asin PNP.
Mismong si AFP Chief of Staff Gen. Romeo Brawner an nagkumpirmar na igwang mga nagkapirang mga retiradong soldados an nagbubusol na bawion kan AFP an suporta kaini sa Marcos administration.
