Nag-anunsyo an Malacañang na mayo ining kumpirmadong impormasyon manungod sa soboot plano nin destabilisasyon laban sa gobyerno sa Hunyo 12, 2026, kasabay kan paggirumdom kan Aldaw nin Katalingkasan.
Segun sa Palace Press Officer Usec. Claire Castro, bako nang bago an siring na mga bareta huli ta igwa nang mga grupo sa halawig na panahon na naghihingoang magbugtak nin sadiring mga lider sa poder bago pa man an 2028 eleksyon.
Nagpatanid man si Castro sa publiko na magin maingat asin marigmat sa inaapod niyang “camps of darkness” na pwedeng magsabwag suboot nin kariribukan.
Pigtawan-duon kan opisyal na yaon ngunyan sa mandato kan law enforcement agencies asin investigating bodies na mag-imbestigar asin mag-implementar nin magkakanigong aksyon kontra sa anuman na iligal na aktibidad na nagsasapeligro sa seguridad kan nasyon.
