Nagtutubod an Malacañang na planado an ginibong panriribok kan mga jovenes sa Manila kasabay kan ginibong mahewasang hiro-protesta kasuudma.
Sigun ki Palace Press Officer Claire Castro, malinaw an motibo kan grupo makalihis na makumpiskar an mga molotov bomb asin darakulang tipak kan gapo na dara kan mga jovenes sa mismong Mendiola na nagkapirang lakdang sana kontra sa Palasyo.
Bako soboot ining simpleng hiro-protesta kundi pagpurbar na pagpapabagsak sa administrasyon.
Pigtawan duon kan Palasyo, an mga lehitimong grupo na igwang obhetong magpangapudan kontra sa korapsiyon an nakapagsagibo naman nin matuninong na paghiro, alagad an mga jovenes an ginamit kan mga igwang maraot na intensiyon tanganing magkawsa nin kariribukan tanganing ipahiling an motibong pulitikal.
Sa ngunyan, dae pa pigtukoy kan Malacañang kun siiisay an nasa likod kan pag-atake, alagad pigtawan duon kaini na malinaw an intensiyon na rauton an katuninongan asin ipiton an gobierno.
