Malacañang pinagtanggol an pagtalaga ki Zofia Canlas bilang bagong komisyoner kan Presidential Commission for the Urban Poor (PCUP), sa tahaw kan mga batikos manungod sa saiyang marangyang pamumuhay.
Nag-ugat an mga puna sa social media matapos magluwas an mga retrato ni Canlas na nagpapahiling nin pagsulot nin mamahalon na designer brand asin pagbakasyon sa Europa asin Estados Unidos.
Segun ki Presidential Communications Undersecretary Claire Castro, igwa si Canlas nin karanasan sa mga trabahong may koneksyon sa saiyang bagong posisyon, asin an kakayahan, katapatan, asin dedikasyon an mas mahalaga sa pagpili nin opisyal.
Mientrastanto, nagpahayag nin pagkontra an Akbayan Youth sa pagtalaga, na nagkwestyon sa marikas na pag-angat ni Canlas sa pwesto asin nagtutukdo sa posibleng nepotismo huli sa posisyon kan saiyang ama.
Nagtapos si Canlas, 27 anyos nin Biology asin nagserbi bilang chief of staff kan PCUP bago siya italaga bilang komisyoner.
Binigyang-duon man kan Akbayan Youth an pangangaipo na matawan nin pagkakataon an mga representante kan maralitang sektor na direktang nakakaeksperyensya kan mga problema na dapat resolberan kan komisyon.
Sa tahaw kan mga reaksyon kan publiko, nagpapadagos an diskusyon manungod sa mga pamantayan sa pagpili nin mga opisyal kan gobyerno asin an tunay na representasyon kan mga maralitang tagalungsod.
