Pigrerespeto kan Office of the President an desisyon kan Korte Suprema na iapgpauktaba an primerong Bangsamoro Parliamentary Elections.
Sa iniluwas na ruling kan nakalihis na Setyembre 30, pigdeklarar kan Supreme Court na balgar sa Saligang Batas an mga redistricting law na ipinasar kan Bangsamoro Transition Authority.
Huli digde, dae na mapadagos sa Oktubre 13 an nakatalaang eleksiyon.Hurot man kan Palasyo an commitment na pangatamanan an peace process, patatagon an democratic institution, asin siertuhon an political rights kan mga mamamayan sa rehiyon.
Pigsierto man kan Marcos administration an bilog na suporta sa mga institusyon na igwang mandata sa irarom kan Konstitusyon tanganing masierto na maisasakatupadan an mga demokratikong kamawotan kan mamamayan kan Bangsamoro, alinsunod sa Konstitusyon asin Bangsamoro Organic Law.
Pigtawan-duon kan Palasyo na dae natitinag an promesa na pangatamanan an proseso kan katoninongan, patatagon an mga democratice institution asin ipagtanggol an mga karapatang pampulitika kan gabos kan mamamayan sa Bangsamoro.
