Dae na parte kan federal gambling probe an batikang guard na si Malik Beasley.
Kun bebweltahan kan Hunyo 29, 2025, pigpuonan kan U.S. District Attorney’s Office an sarong imbestigasyon huli sa soboot pagkaka-imbwelto ni Beasley sa illegal gambling na igwang kinaaraman sa NBA games.
Kaibahan man sa imbestigasyon an soboot prop bets, an nasambitan ng alegasyon an puon pa kan taong 2023-2024 kun nuarin miyembro pa kaidto an batikang guard kan Milwaukee Bucks.
Sigun sa abogado ni Beasley na si Steve Haney, sa laog nin pirang bula, pigkundusir an saindang pagsisiyasat alagad dae na nagibong sunadan nin kaso an saiyang kliyente.
An sarong alegasyon na dae man mapupuli sa pagsusunad nin kaso, indictment, o conviction an dae dapat nagkakawsa nin magabat na epekto kiisay man bakong siring kan nangyayari ki Malik.
Pirang beses man soboot na nakipag-ulay an representate kan Eastern District of New York sa kampo ni Beasley alagad mayo ining kinapulian.
Mientrastanto, kasabay kan paglaog ni Beasley sa free-agency, pirang team na soboot an nagkaulay sa saiyang kampo alagad nagtitinir an posibilidad na mapirma ini extension sa Detroit.
