Saro na na man na makasaysayang trayumpo an naabot ni Manny Pacquiao makalihis ining opisyal na mainduct sa International Boxing Hall of Fame ngunyan na aldaw nin Lunes, Hunyo 9, sa edad na 46 anyos.
Sa saiyang patara-tara, binalikan ni Pacquiao an saiyang simpleng pagpuon sa General Santos City, kun saen nagpuon an saiyang paglalakbay komo sarong nangangarap na boksingero.
Kabali sa mga kasabay kaining inductees sinda Vinny Paz, Michael Nunn, asin bistadong referee na si Kenny Bayless. Nasa audience man an saiyang agom na si Jinkee Pacquiao.
Pigheras man kan eight-division world champion na ginamit kaini an boksing tangani makatakas sa sakit sa buhay, asin maparani sa trayumpo kontra sa pirang mga pinakamatitibay na parakawat sa kinaban siring ninda Oscar Dela Hoya, Juan Manuel Marquez, Miguel Cotto, asin kadakol pang iba.
Marurumduman sa papabuton na Hulyo, liwat na mabweltada sa ring si Pacquiao tangani atubangon an Amerikanong si Mario Barrios para sa WBC welterweight title sa MGM Grand, Las Vegas.
