Liwat na pinagiromdom ni Philippine National Police (PNP) Chief Police General Rommel Francisco Marbil an kapulisan na dapat magin neutral sana.
Kasunod ini sa pagsunda nin kaso ki Patrolman Francis Steve Tallion Fontillas kan Quezon City Police District (QCPD) na nagluwas nin hinaing sa social media dapt sa pagkakaarestar ki dating Presidente Rodrigo Duterte.
Dugang pa kan PNP Chief na an PNP, sarong pillar kan law and order asin bakong plataporma kan pagluwas kan personal o political agendas.
Pinatanidan kaini an mga kapulisan na dae ninda papalampason an siisay man na magin partisan na iyong nakakaraot sa tiwala kan publiko sa mga kapulisan.
Marurumdumang pigsunadan na kan QCPD nin kasong inciting to sedation asin pagbalgar sa cybercrime law si Fontillas makalihis na magluwas nin hinaing sa pagkakaarestar ki Duterte.
