Padagos na mino-monitor kan World Health Organization (WHO) an bagong report dapit sa pagkuriyat kan Marburg Virus Disease (MVD) sa United Republic of Tanzania.
Napag-araman na puon kan pigdeklarar an pagkuriyat kan nasambitan ng virus kan Enero 20, 2025, sarong dugang na kumpirmadong pagkagadan an naireport kan Ministry of Health gikan sa epicenter kan helang sa Biharamulo district sa Kagera region.
Hasta kan Pebrero 10, 2025, igwa nin kabilogang duwang kumpirmadong kaso asin mayong posibleng naulakitan an naireport kan saindang ahensya.
Gabos kan 10 kaso an nagadan, kabali an walong nagadan antes pa man makumpirma an pagkuriyat kan helang.
Kan nakalihis na semana, gabos nin 281 contact na nakalista asin presenteng pig-oobserabaran an nakatapos na nin 21-day quarantine monitoring.
An Ministry of Health, nagbilog nin pambansang plano kan pagsimbag tanganing gabayan an mga gibuhon.
Dugang pa digdi, sarong national rapid response team an ipinadara sa apektadong rehiyon tanganing mapatibay an pagsisiyasat asin pagsimbag sa paglakop kan helang, sa technical asin operational support gikan sa WHO asin health partners.
