Pigtalaga na si dating world champion Mark “Magnifico” Magsayo komo No. 1 contender sa WBC super featherweight division, sigun sa pinakabagong rankings kan sanctioning body.
Huli digde, si Magsayo na an nangengenot na challenger sa world title ni American boxer O’Shaquie Foster, na posibleng kahampangon kaini sa sarong championship bout ngunyan na taon.
Nag-angat si Magsayo gikan sa No. 2 spot, makalihis na patalsikon si Eduardo Hernandez kan Mexico.
Kaibahan man sa top contenders sinda Michael Magnesi kan Italy asin Raymond Ford kan U.S.Nagtitinir man si Magsayo sa No. 3 ranking kan WBO, kun kaya bukas pa man an pinto para sa title shot sa irarom kan ibang organisasyon.
An 30-anyos na tubong Bohol an igwang 28 kapangganahan (18 knockouts) asin dugwang daog.
Puon kan magsakat ini sa super featherweight, apat na sunod na kapangganahan na an nairehistro kaini, pinakahuri kontra ki Jorge Mata Cuellar kan Hulyo 19 sa Las Vegas.
Mantang si Foster an igwang record na 23-3 (12 knockouts) asin huring naglaban kan nakalihis na taon kan maagaw liwat an WBC title kontra ki Robson Conceição kan Brazil.
