Kinumpirmar kan mga otoridad an pagkaka-recover kan dugang na sako nin pinagtutubudang shabu sa katubigan kan Pangasinan asin man Ilocos Sur magpuon Hunyo 5 hasta Hunyo 7, 2025.
Sa sugo ni Presidente Ferdinand Marcos Jr., nagtatabangan an Philippine Coast Guard (PCG), Philippine Drug Enforcement Agency (PDEA), Philippine National Police (PNP), asin man iba pang ahensya tangani masolusyonan an kaso asin mamantnir an seguridad sa mga maritime zone kan nasyon.
Magigirumduman na kan nakalihis na Hunyo 5, 2025, pitong sako nin [inagtutubudang shabu an isinuko kan mga parasisisra makalihis ining madiskubre na palutang-lutang sa baybayon kan Pangasinan.
Kan nakalihis na Hunyo 6 asin 7, 2025, naka-recover pa an pinagsanib na pwersa kan gobyerno nin mga sako kan ilegal na droga sa padagos na pagpapatrolya sa dagat.
Duwang parasisira gikan Sta. Cruz, Ilocos Sur an nag-turn over nin duwang sako na may parehong klase nin packaging siring kan nanutaran sa Pangasinan, na nagpapahiwatig nin posibleng pag-anod kan mga ilegal na droga pasiring sa hilaga.
Pig-omaw man ni Captain Mark Larsen Mariano an katapatan asin man pagigin mapagmasid kan mga parasisira, na nagtabang tangani mapugulan an pagkuriyat kan bilyong pisong kantidad nin illegal na droga sa mga komunidad.
