Pigsierto kan pamunuan kan MRT-3 an pagpapaigting kan crowd management asin pagpapapusog kan on-ground coordination sa bilog na linya.
Katakod ini kan viral video dapit sa matinding congestion kan mga pasahero sa platform sa Cubao southbound station kan Lunes nin aga.
Kaibahan sa corrective asin preventive measures na pinaiiral ngunyan kan Safety and Security, asin Engineering Division chiefs kan MRT-3 an mas mahigot na regulasyon sa paglaog sa platform kada may congestion.
Siringman an pagtutok sa pagbabantay sa mga kritikal na parte kan mga istasyon, orog na sa peak hours pagkaaga asin banggi.
Nag-deploy na man nin safety asin security resources para masierto an kasalbaduhan asin kaayusan kan biyahe kan publiko.
Enot nang naghagad nin despensa an pamunuan kan MRT-3 sa mga naapektaran na pasahero.
