Nag-anunsyo an gobyerno kan ciudad kan implementasyon kan mas transparent na sistema para sa paggamit kan Local Government Support Fund (LGSF) ngunyan na 2026.
Sa paghampang sa mga kagawad kan media ni Naga City Mayor Leni Robredo, sinaysay kaini na sa irarom kan bagong formula, an kada LGU nakaresibe nin ₱32 milyones para sa bagas, mantang an kada barangay tinawan nin ₱200,000 para sa mga scholarship asin mga proyekto sa komunidad.
Napili man an Naga komo pilot area para sa flood control program kan DPWH, na may pitong mayor na proyekto na nakatalaan sa 2027 tanganing mabawasan an pagbaha sa mga pangenot na lugar kan ciudad.
Pinapakusog man kan syudad an mga programa sa pabahay asin edukasyon, kabali an Community Mortgage Program para sa labing 300 pamilya, 320 rental housing units, 300 modular shelter, asin 282 bagong classroom na piglalaoman na mapopondohan antes na matapos an taon.
