Aram baya nindo mga ka-bombo, binawian na nin buhay an pamosong chimpanzee sa Japan na si Ai sa edad na 49-anyos.
Sigun sa Kyoto University’s Center for the Evolutionary Origins of Human Behavior , na nagadan an babaeng chimpanzee kan nakalihis na Enero 9 huli sa man sa kagurangan asin organ failure.
Ipinangaki sa western Africa asin nag-abot sa Japanese institute kan 1977. Ini an pigmirar na Ai project na sarong research program kun pano basahon an pag-iisip kan sarong chimpanzee.
Nagkapira sa mga nanudan kaini an pagbilang nin numero asin an pagbisto sa mga ang kulor.
Kan ini 18 bulan pa sana an tinawan nin special keyboard na naka-konektar sa computer tanganing pag-adalan an saiyang memorya asin kaaraman.
Sa edad sana na 6-anyos nanunadan kaini an pagbilang nin hasta sa anom asin saiyang naaraman an mga kolor asin mga gamit na mapakol sa 300.
Kan taong 2000 nangaki ini nin sarong lalaki na pinangaranang si Ayumu na sarong matalinong klase kan chimpanzee.
