Aram baya nindo mga ka-bombo, sarong Chinese na makeup artist na bistado komo si Tuzi o Rabbit an nakaguno nin kadakol na atensyon sa social media huli sa saiyang abilidad na baguhon an itsura kan saiyang kliyente hasta sa punto na dae na mabibisto pa an mga ini.
Basado sa report si Tuzi an maysadiri kan sarong Portrait Studio sa Yunan Province, alagad an halangkaw na numero kan saiyang mga kliyente an gikan sa social media, partikularmente sa Douyin o an China’s version kan TikTok).
Sa saiyang tiktok account, regular na nagu-upload nin si Tuzi kan saiyang nakakamanghang makeup transformations.
Susog sa nasambitan ng makeup artist kaya kaini na gibuhong mas joven kaysa sa saiyang totoong edad an saiyang kliyente depende soboot sa saindang kamawotan.
Sa mga nakalihis na taon, padagos an saiyang collaboration sa mga kaparehas na influencers, celebrities actors, asin singers.
