Nagtutubod si Commission on Elections (Comelec) George Erwin Garcia na sarong matuninong na halalan an maeeksperyensyahan ngunyan na Lunes, Mayo 12.
Paliwanag kaini, marikas na makakatapos an botohan huli man sa na-setup man an marikas na sistema asin man proseso tangani masierto na magigin marikas an pagproklama sa mga nangganang kandidato.
Umapelar man ini sa publiko na magtiwala sa proseso kan eleksyon asin dae na magpatol pa sa mga fake news na nagkukuriyat.
Liwat na kinalampag man ni Garcia an mga lokal na kandidato na kusang halion an darakulang campaign materials sa highway.
Pighurot kaini na an Task Force baklas an padagos sa pagsasampa nin kaso sa mga nagbabayolar dawa sa mismong aldaw na nin Lunes o botohan.
Sinaysay ni Garcia na mas halangkaw an responsibilidad kan mga botante laban sa vote-buying nin huli ta mayong mababakal kun mayo nin mapabakal
