Pigheras kan aktres asin singer na si Maymay Entrata an manungod sa saiyang love life sa bagong karelasyon kaining si Joaquin Enriquez, pigladawan kaini an relasyon na soboot parehas refreshing asin parehas nagsusuportahan.
Sa sarong entrevista, inamin ni Maymay na an paglaog sa bagong relasyon an pagmati man na garu unfamiliar makalihis na magin single nin duwang taon.
Sa ibong kan mga nagin adjustments, pigheras kaini an labing kaogmahan asin pasasalamat orog na ta garu soboot male version kan saiyang sadiri an saiyang partner.
Pigtawan duon man kaini an consistent efforts ni Enriquez na mag work an saindnag relasyon sa ibong kan distansya. Sigun ki Maymay, naka base si Joaquin sa United States alagad nagbibisita man saiya kada bulan.
Marurumduman isinapubliko ninda an relasyon kan nakalihis na bulan nin Oktubre 2025. Naiselebrar man kan couple an primerong Halloween na magkaibahan sa Los Angeles, California.
Susog man sa mga reports, si Joaquin an sarong Filipino-American commercial model asin rookie actor.
Kansuarin sana, nagselebrar man an duwa nin Pasko. Antes an nasambitan relasyon, pigkumpirmar ni Maymay an pagsuhayan ninda kan saiyang dating non-showbiz boyfriend na si Aaron Haskell kan nakalihis na April 2024 na naipabisto man kaini sa publiko kan taong 2022. Mientrastanto, balik na sa acting scene sa presente si Maymay sa series na ROJA.
Pigladawan kan “Amakabogera” an project komo dream come true.
