Makalihis na magkalas sa Commission for Infrastructure (ICI), komo special adviser, pinahimutikan ni Baguio City Mayor Benjamin Magalong an mga nagkokonektar soboot sa saiya sa katiwalian sa siyudad.
Sa sarong pahayag kan nakalihis na Sabado, sinaysay ni Magalong na magabat an saiyang desisyon tanganing maghali sa ICI alagad ini soboot an kaipuhan tanganing mamantinir an kredibilidad kan komisyon.
Pigtawan-duon pa kan alkalde na mayo ining kinaaraman sa mga kwestiyonableng proyekto asin mayong “conflict of interes” sa saiyang pagkakatalaga sa ICI.
Kasabay kan pagbubutas, pigreport an pagkaka-imbwelto ni Magalong sa duwang proyektong pang-imprastraktura kan siyudad kan Baguio kan nakalihis na 2022 sa contractor couple na sinda Pacifico ‘Curlee’ asin Cezarah ‘Sarah’ Discaya.
Katakod kaini, sinuspinde man ni DPWH Secretary Vince Dizon an anom na opisyal kan Baguio Distric Engineering Office.
Enot nang pigsugo ni Magalong an suhay na imbestigasyon gikan sa Sangguniang Panlungsod kan Baguio para sa mga proyektong naantala siring kan tennis court asin parking lot sa Burnham Park.
Marurumdumang itinalaga si Magalong sa komisyon kan nakalihis na Setyembre 13 ni Presidente Ferdinand Marcos Jr., kaibahan sinda dating Supreme Court Justice Andres Reyes Jr., dating DPWH Secretary Rogelio “Babes” Singson, asin SGV executive Rossana Fajardo.
Mayo pang opisyal na pahayag si Presidente Marcos dapit sa pagbubutas, alagad inapod ini kan saiyang press office na nakakamundo.
Sa saiyang huring pahayag, nangapodan si Magalong sa mga Pilipino na dae pagtugotan na habunon kan mga tiwaling opisyal an futuro kan kajovenan asin kan nasyon.
