Pigkokonsiderar ni Makati City Mayor Nancy Binay na an akusasyon kontra sa saiya na nag aako ini nin kwarta gikan sa flood control projects an sarong paagi tangani ilihis an tunay na nasa likod kan mahewasang anomalya.
Ini an nagin reaksyon kan dating Senador na ngunyan alkalde makalihis na ibali ini ni dating Department of Public Works and Highways (DPWH) undersecretary Roberto Bernardo na nag aako nin kickbacks.
Apwera kaya ki Binay, kaiba sinda Senator Chiz Escudero, Ako Bicol partylist Representative Zaldy Co asin dating Senador Bong Revilla.
Sigun ki Binay, nabibigal asin namumundo ini huli sa dinamay ini sa anomalya kan DPWH kun saen mayong katotohanan an mga ini.
Hurot pa kaini na matuninong ining nagtatrabaho komo alkalde kan Makati asin nakakabigla huli ta ginagamit ini tangani sana mailihis an tunay na salarin asin dapat na manimbag sa nasambitan ng urulay.
Ipinag orgulyo pa kaini na an saiyang pagtataong serbisyo sa publiko an dae matatawaran asin man mayong halong ano man na pagdududa.
