Suportado kan mayorya kan mga Pinoy na liwat magbali an Pilipinas komo miyembro kan International Criminal Court (ICC).
Ini an nagluwas sa resulta kan OCTA Research survey, ipinaluwas aldaw nin Lunes, Hunyo 30.
Mahihiling sa Tugon ng Masa nationwide survey, isinagibo magpuon Abril 20 hasta 24, na may 57% kan mga Filipino an mawot na liwat magbali an Pilipinas sa ICC mantang 37% man an kontra sa lakdang na ini asin 6% man an nagtitinir na undecided.
Ining mga nagpahayag kan saindang suporta para sa liwat na pagsali kan Pilipinas sa ICC an may makusog na pagsuporta gikan sa kadaklang rehiyon kan nasyon.
Ipinapahiling sa resulta kan survey na sa Metro Manila, Balance Luzon, asin Visayas, dawa papano, 60% kan mga respondent an suportado an nasambitan ng lakdang.
Siringpaman, dae man kaiba an Mindanao nin huli ta 30% sana an pabor na magsali an Pilipinas sa ICC asin man 66% an kontra, an kinokonsiderar na ‘highest rate’ nin pagkontra na nairehistro sa ibang rehiyon.
Marurumdumang, nagdesisyon an Pilipinas, sa irarom ni dating Presidente Rodrigo Roa Duterte, na magkalas sa Rome Statute—an treaty na nagkriar sa ICC kan nakalihis na Marso 2018. Umepekto an withdrawal makalihis an sarong taon kan March 2019.
Mantang kan nakalihis na bulan nin Marso, kan mahapot si Preaidente Ferdinand Marcos Jr., dapit sa posibilidad kan pagbabalik sa ICC, sinabi kainng dae pa ini napag-uulayan, kasunod kan pagkaka-arestar ni dating Presidente Rodrigo Duterte sa Netherlands
