Pigkumpirmar kan Embahada kan Pilipinas sa The Netherlands na presenteng nasa regular hospital room na si Atty. Salvador Medialdea makalihis isugod sa emergency room sa sarong ospital sa The Hague, Netherlands kan nakalihis na aldaw nin Martes, Marso 18.
Basado man ini sa pigheras na update kan Embahada dakong ala-1:52 nin pagka hapon local time katakod pa sa kamugtakan ni Medialdea na nagsisirbing legal counsel ni dating Presidente Rodrigo Duterte sa International Criminal Court (ICC).
Sa sarong Facebook post man ni Sen. Robin Padilla, na yaon man sa The Hague, mahihiling na nakatukaw si Medialdea sa wheelchair.
Sigun sa Embahada, nagpasiring si Medialdea sa ICC Detention Center aga kan aldaw nin Martes para sa scheduled visit sa dating Presidente alagad mantang nagrerehistro ini sa may reception counter bandang alas-8:55 nin pagkaaga, nag iba na soboot an sayang pagmati.
Pig ibahan man kan opisyal kan Embahada an 73 anyos na abogado sa Detention Center asin tulos man na nag apod para sa medikal na atensiyon na pigsimbagan man kan Detention Center medic.
Pig apudan an ambulansiya na nagdara ki Medialdea sa sarong Hague area hospital kun saen ini nag resiber nin medical treatment. Sigun sa Embahada igwa nin kaibahan na harani na kaparientes si Medialdea sa pinagdarahan sa saiyang ospital.
