NAGA CITY– Gadan an sarong menor de edad makalihis malamos sa Agos River sa Zone 3, Brgy.Bonifacio, San Fernando, Camarines Sur.
Binisto an biktima na si Mark Gin Vida, 13 anyos.
Sa nagunong impormasyon kan Bombo Radyo Naga napag aramang nagkakawat sana mantang nagkakarigos sa bahang salog si Vida kan bigla ining magdive.
Huli sa makusog na sulog kan salog dai na kaini nagibong maglangoy kawsa tanganing malamos.
Tulos man na sinalbar kan mga residente sa lugar an biktima asin idinalagan sa ospital alagad ideneklara ining dead on arrival kan mga doktor.
Sa ngunian nagpapadagos pa an imbestigasyon kan mga otoridad manungod sa nasambitan ng pangyayare.
