NAGA CITY- Gadan an sarong menor de edad makalihis na aksidenteng makuryente sa livewire kan Camarines Electric Cooperative (Casureco) sa Barangay Sto. Niño, Ocampo, Camarines Sur.
Sa nakuang impormasyon kan Bombo Radyo Naga, napag-araman na igagakod kuta na kan 17-anyos na biktima an saiyang karabaw sa gilid kan tinampo kan aksidente kaining makaputan an livewire sa parte kan poon nin kahoy.
Huli digdi, nangisay an biktima na tulos man na pigdalagan sa ospital alagad pigdeklarar na ining dead on arrival kan mga doktor.
Sa ngonyan, nagpapadagos pa an imbestigasyon kan mga otoridad manungod sa nasambitang pangyayari.
Advertisement
Advertisement
