NAGA CITY– Mayo nang buhay kan madukayan an sarong menor de edad na pigtutubodang nanlaog sa sarong school canteen sa San Jose North Elementary School, San Jose, Pili, Camarines Sur.
Sa nakuang impormasyon kan Bombo Radyo Naga hale sa Camarines Sur Police Provincial Office (CSPPO), napag-araman na mantang naglilibot an night watchman na nakaduty sa nasambitan nang eskwelahan kan marisa kaini na warak na an mga patinda sa loog kan canteen.
Kan pigkalag-kalag kan persona an palibot, nahiling kaini an nakabulagtang menor de edad na pigtutubodan na may edad 12 hasta 15-anyos an edad asin mayo nang buhay.
Pigtutubodang nag-agi sa kisame kan canteen an maner de edad tanganing malaog an lugar alagad aksidente ining nahulog asin nakatama an payo sa semento na nagin kawsa kan saiyang pagkagadan.
