Preparadong-preparado na an Philippine Men’s Football team sa saindang pagsabak sa AFC Asian Cup qualifying game kontra sa Tajikistan.
Isasagibo an kawat sa New Clark City Stadium sa Hunyo 10 kun saen target kan football team kan nasyon na mautro an trayumpo ninda kan makahampang an Maldives asin dinaog ninda sa score na 4-1.
Pigsaysay ni team manager Freddy Gonzalez na sarong makusog na koponan an Tajikistan huli ta nag-abot ini sa quarterfinals sa huring edisyon kan Asian Cup.
Nagtutubod man an opisyal na kayang-kaya kan saindang mga lineups an visiting team na Tajikistan.
Advertisement
Marurumduman, dinaog kaya kan Tajikistan an Timor-Leste sa score na 1-0 kan nakalihis na Marso 25 asin parehas sinda kan standing national team kan nasyon.
Advertisement
