PDAO Naga, Pinaiigting an Disaster Preparedness asin Mental Health Programs para sa PWD
Sa intrevista kan Bombo Radyo Naga ki Atty. Paul John F. Barrosa, MBA – Chief Of Office, Persons With Disability Affairs Office – Naga, sinaysay kaini na an nakaagingg bulan an inot na nagin aktibidad manungod sa Person With Disability (PWD) an pag training sa mga Person With Disability (PWD) leaders manungod sa disaster response an mga first aid na pwedeng gibohon asin mga bagay na dapat maipreparar antes magkaigwa nin sakuna.
An Risk Disaster Reduction office an pirming kaantabay kan mga ini asin pirming katuwang tanganing matawan nin sapat na pag aasikaso an mga PWD, senior itizen asin an iba pang nangangaipuhan nin pag asikaso.
Tinawan-duon ni Barrosa na dapat an mga sistema ay available, an mga programa ay pirming yaun para sa pag aasikaso sa Disaster Response asin pag asikaso sa mental health dae lamang huli sa kun may sakuna o may isyu sa mental health saka lang ini yaun.
Segun pa ki Barrosa, na updated din an database kan mga ini asin igwa man sa Naga nin Barangay Person with Disability na workers, igwa man nin mga Kagawad asin Comitte Chairman na PWD na mayu man sa ibang ciudad.
Pahayag man kaini manungod sa Mental Health, na an Mental health ay bako lang usapin para sa mga PWD huli nagigin PWD lang an mga ini kun ini na Diagnose na o qualified na under the Department of Health (DOH) guidelines huli may mga ordinaryong mga tawo man an nangangaipuhan din tawan nin tuon an Mental health.
Sinabi pa ni Barrosa na igwa man nin budget para sa Disability Affairs Office (PDAO) asin para sa mga Person With Disability (PWD). Asin an mga programa man ay dae lang nakacentro sa ayuda, kundi ginigibohan din nin paagi para ma frame an mga PWD na naghahanapbuhay, na mag kaigwa nin job fair.
Mientrastanto kun igwa man nakakaeksperyensiya nin diskriminasyon, pwede ining idulog sa barangay, asin pag dae naaksyonan nin barangay huli ta nagkaigwa nin pag pupulong asin depende man ini sa sitwasyon kun dae nagkasundo, posibleng maisangat ini sa Prosecutors Office.
