NAGA CITY – Nagin matrayumpo an pigkundusir na mga aktibidad pansalud sa San Jose Pili, Camarines Sur.
Sa entrevista kan Bombo Radyo Naga ki Lorradel Alamo, Brgy. Kapitan kan nasambitan ng lugar, sinaysay kaini na, saro sa saindang aktibidad na pigsagibo an blood letting kun saen naka 120 bags sinda na dakulang pinagpasalamat kan opisyal.
Sigun ki Alamo, duwang beses sa kada taon ninda pigsasagibo an siring na aktibidad. An mga nagdonar nin dugo natawan nin limang kilong bagas, asin 1 tray na sugok. Pigdara man sa BMC blood bank an mga pigdonar na dugo.
Dugang pa digdi, nagkaigwa man sinda nin one-stop shop kan PuroKalusugan, napigpartisiparan man kan manlaen-laen na ahensya asin nabenepisyaran an kadakol na residente kan barangay.
Apwera pa digdi, kadakol pa man nin nakalinyadong mga aktibidades an saindang ikukundusir sa banwaan katakod naman kan saindang kapistahan.
Mientrastanto, an siring na serbisyo sa pansalud an pigrarani na sa kada barangay, tanganing mayo na soboot mairason an mga tawo na dae sinda makapagpacheck-up orog na an mga kaakian.
Obheto kaya kan saindang barangay na gabos nin mga aki an mabakunahan, tanganing magkaigwa nin proteksyon an mga ini.
