Pinangenutan ni Naga City Mayor Leni Robredo, kaiba si Rosemary K. Chibota, Primary General President kan The Church of Jesus Christ of Latter-day Saints, an pag-turnover kan mga bagong wheelchair asin newborn kits sa Naga City General Hospital, Setyembre 14, 2026.
Sa intrevista kan Bombo Radyo Naga ki Jude M. Solidarios, Humanitarian Senior Program Specialist kan The Church of Jesus Christ , pinili ninda an cuidad kan Naga nin huli sa boot na ini parte kan simbahan asin adbokasya kan siring man sa pangarugan kan Diyos sa mga tawo-an magtabang.
Tinawan-duon ni Solidarios na mayong pinipiling relihiyon o pagtubod an simbahan sa pagtao nin tabang, asin an saindang humanitarian programs bukas para sa gabos na nangangailangan.
An mga newborn kits igwa nin mga handmade na bado para sa mga umboy, pati na an mga panginot na pangangaipuhan sa enot na sarong semana kan buhay kan bagong pangaki asin mga pangangaipuhan kan ina na bagong mangaki.
An naturang donasyon parte kan padagos na proyekto kan simbahan na naglalayon na maabot asin masuportahan an mga pamilya asin mga aki sa manlaen-laen na parte kan nasyon.
